سألني الليل ....
عيونك ليه سهرانه
هايمه في السما مع النجوم
تايها ... وحيرانه
قلت يا الليل ...
بافكر في اللي هاجرني
وطيفه ساكن النني
وحبه بقى ماضي
وقلبي أنا
عن هجره ....
ماهوش راضي
وقلت في يوم أعاتبه
وأشتكي غربتي لقلبه
وأفكرو بالماضي
هجرني يا ليل ...
ونسي الماضي والحاضر
وسابني يا ليل ...
في لوعتي
وقلبي خلاص ما هوش قادر
سابني يا ليل ...
ولا قلبي صبح خالي
وهو ....
لا جاني ولا رحم حالي
يزورني في الليل طيفه
يزود لوعتي وآسايا ...!
وصبحي ويل
عشان مشغول عني
و مش ويايا
سهران يا ليل ......!
أشكي ليك غربتي في هوايا
وقسوة الدنيا معايا
وأحلم بحضنه
دا حضنه هو دنيتي
ومنايا.....
وأمتى ح يجيني ياليل ...
يمسح دمعتي
ويرحم بكايا .....؟؟
وترجع فرحتي
يا ليل ...
وتفرح يا ليل
معايا ...
محمد صلاح حمزة
ليست هناك تعليقات:
إرسال تعليق