من باب الشوق
من باب الشوق لبابي
في سبع أبواب
من لمحة قلبي بفتحلك
و بلا أسباب
من بوسة وردة برسملك
فيها أطياب
و أخلّي ردك بكتابي
أحلى جواب
وأخلي همسك بغيابي
يقطف عنابْ
يمكن منو شرابي
و بنكهة عتاب
متزوج حرفي بترابي
وبجذرو أنساب
متعود حزني ع الضحكة
ومهما العذاب..
متولع دمي بزيتونة
بأرض الأحباب
أنا شايف دربي بعيوني
بمشية ما تهاب
أنا شايف بكرا بتجدد
بطرد الأغراب
من باب الشوق لبابي
عطرك بنساب
برمي للمهرة كوفية
و بنسج الثياب
من كلمة وقفت ع المية
بتنده الأصحاب..
و إنتي صوتك متجلي
و رمانو طاب
بكفي شوف العنابي
ع صدري ذاب
من باب الشوق لبابي
رفة أهداب
و حبك منشانو بشربلو
و برفع أنخابْ
سليمان نزال
ليست هناك تعليقات:
إرسال تعليق