طلع الحكي...
طلع الحكي بوادي تاني
رحت بهمسي لوجداني
و فكرنا الحب تفاني..
حد مخلص ..لو بعاني
أصل الكلام بدو تعديل
لحتى يفهم بستاني
و قالت نبضة للنخيل
مين رح يرجع أوطاني
وصاحت صرخة بالجليل
مين رح يعرف أحزاني
و نادى عنقود الخليل...
وليه بقطفني الجاني...
و قالت دمعة بالمنديل
و مين يزف التهاني...
لو موجة ضحكت بالنيل
ومسك إيدي زماني
طلع الحكي بوادي ثاني
شو رح تحكي يا أماني
شوفي شو بعشق وردات
ولكن بتبكي ألحاني
بكتب من قلبك بغداد
و فلسطيني و لبناني...
و بكتب قصة في قرطاج
و بقراها بالزبداني..
و برفع راية ع أوراس
و أنا يمني و قحطاني..
و بعشق حلوة من عمان
و أنا نشمي عدناني...
و بقدسي درب الشجعان...
ماشي جوا بشرياني...
يعني لو بدك أكوان
بزندو صنع الكنعاني
يعني لو بدك عنوان
اسال نهري و بركاني
طلع الحكي بوادي ثاني
بليبا رتل الفرساني...
يعني لو بدك شجعان
بسرت المجد النوراني
أصل الكلام واقف بسأل
من دجلة لأسواني..
الكل عارف ..لكن بجهل
غزوات الأمريكاني !
خلص الحكي يا أبو جندل
كلو صاير سجاني
شفت بعيني المستقبل
مضيع اسمو بمكاني
خذني بصوتك على الشام
و بحلب لّون ألواني...
أنا مرة كنت "بمصياف"
و شفت منها الليطاني...
آه من ظلمك يا تاريخ
كل صفحة فيها جاني
منكذب عادي و منستريح
و مع إنو كله فاني...
لهيك...من دمي ببوح
لخصر السحر القاني...
و لو حلوة بتعشق بروح
بعيّشها بأحضاني...
سليمان نزال
ليست هناك تعليقات:
إرسال تعليق