قالت لحظة..
قالت ْ لحظة و غابت شهرْ
وقفت ْ لهفتنا ع السطرْ
مرتْ مع كلماتي ورودْ
و وردتها ببالي بتمرْ
و عنب الشوق عالي ممدود
و بتقوللي حصرم و مُرْ
شي متردد بالهمساتْ
و شي متعود على السرْ
و شي متوقد بالنظراتْ
و شي متعلق بكتف البدرْ
وأنا برعى بصدري غزلانْ
و أنا بوعى من بوسة ثغرْ
و أنا بحمي بقلبي أوطانْ
و نسر بجرحي طالع نسرْ
قالت لحظة و غابت شهرْ
رحت شربت النطرة خمرْ
رحت مسكت الحرف نجوم
بنزل بطلع ببقى حُرْ
غيرك وصل قبل الصوتْ
ومثل البرق و مثل الجمرْ
غيرك بقطع سبع بحورْ
و لينافس البيض و السمرْ
مين ترضى عنها الكلمات
و موعدها بدمي بيسُر ْ
أنا بزندي بحمل أزمان
و ناري وقفت فوق الُعمرْ
غيبي و لو حتى سنواتْ
أصلو مزاجي بعمق البحرْ
سليمان نزال
ليست هناك تعليقات:
إرسال تعليق