*** شروقية** بحر الحب***
عمِلت عِندِك بالبحِر قُبطان
وانتِ تقوليلي للبَحِر عَدي
عُصفور عَم يطُل عَالجيران
حامل سلامي إلِك بِوَدي
بِجناحه عَم يرُف عالشطآن
كل يوم عِندِك حابب يهَدي
حامِل رِسالة وبعرَف العنوان
بدي الجَواب قبل الظُهُر عِندي
إرتاح قَلبي وما بِقي حَيران
لما النسيم يمر من حَدي
شُفت الرسالة مبَروزة بمرجان
وحروفها طَعم العَسَل وردي
بديت أقرأ ما عُدت نعسان
حَسيت إنه حروفها بقَلبي
ظَليت أقرا للصُبح سهران
بدي افَسِرها أنا بجُهدي
باعثة صورة زهر بستان
حَسيت عَم بَفقِد أنا عَقلي
سبحان الله الخالق بإتقان
ملكة جَمال حفِظتها بودي
وجها بدر وعيونها الميزان
خدودا خَمِر كاسات بِتعَبي
والتاج عاراسها عِشِق وحنان
وببحر حُبك دائما وحدي
والنور من عَينيك شو فَتان
غرِقت بدي موت من بَردي
...بقلمي...ياسين مصطفى بكري...
ليست هناك تعليقات:
إرسال تعليق