قصيدة : طَوَّلْ لَحْبْلْ.... بقلم الشاعر : حميد النكادي

 طَوَّلْ لَحْبْلْ....

طِيرْ ؤُ عَلِّي 

قْطَفْ النجوم 

دير علاش تْوَلّي 

ما يْهَمَّك 

القيل والقال 

طَوَّلْ لَحْبْل

تَلْقا ما تْدَلِّي 

وَاخَّ الْبِير غارق 

الْمَا فيه صافي 

عَمَّرْ سَطْلَكْ 

لا تنسى  سَطْلِي..

شوف السْبُولْ لْعَامِرْ

راسو حاني يْصَلّي 

ؤُ الْخَاوي هَازْ قْنَانْفو(أنفه) 

تَشْطَحْ بيه الريح 

تَدِّيه ؤُ تْجِيبْو

حتى بلاصة

 بيه ما تْخَلّي...

خْطيكْ من كْحَلْ الرأس

ما يَبْغي ليك

 راحة و لا نعاس 

هَمُّو يْشوفك ديما 

مُورْ الْبَالَة ؤ الفاس 

إلا زادت عليك لقمة 

بْلْسانو يلدغك

  يْوَلّي شيطان خناس 

هذي طبايع الناس

طير ؤ علي 

ما يهمك فْريع الرأس  

         حميد النكادي 16\8\2020فرنسا