قصيدة : مديونالي يادنيا مديونالي... بقلم الشاعر : أسامه جديانه

مديونالي يادنيا مديونالي

انت والأيام والليالي
صبحت أكبر من سني
لما فاتوني اللي مني
والناس كلها بعدت عني
يتيم واليتم بكاني
ومشيت فى الدنيا وحداني
كل مااشوف اللي فى سني
ألاقيهم افضل مني
الضحكة مالية الوشوش
والهم على وشي منقوش
والدمعه ساكنه فى النني
لا رحت مدارس ولا كتاب
وندمت لما صبحت شباب
انااللي أبويا عني غاب
لما مات وفاتني
اللي زيي ساكن فى عماره
وسريري ورقة شيكارة
ولا حد راضي يكلمني
انا تهت فيك يادنيا خلاص
لا خال ولاعم ولا ميراث
كل اللي عندي شوات احساس
لكنهم مش نافعني
قلت اشتغل زي الناس
الكل رافضني من الاساس
أصل اليتيم مش زي الناس
لا له لا ضهر ولا سند
عايش حياته فى المحن
هات اللي عندك يازمن
طول عمري وانت اللي حارمني
                              (((أسامه جديانه)))