قصيدة : بيش ماجان اليحبك يشتريك... بقلم الشاعر : عمران البدري

بيش ماجان اليحبك يشتريك
أذا كان اليودك صادق بوعده

ما يبخل عليك الروح ينطي الروح
ترخصلك يغالي واغلى ماعنده
لأن أنت بحياته تسري بالشريان
ملك طابوايحسبك غيرك اشعنده
وحسب للوكت كون الف حساب
خاف أيميل بيه وبابك أتسده
وشيطلب عليك ارخصله ماي العين
بالك ثم بالك طلب وترده
خل روحك بروحه نفس واحد كون
وحضنه بحضن دافي وبالك أتهده
بيت تصير انت لليحبك دوووم
وتحفظه من الزمان بحره وبرده
ويوميه تكله شرايد وشتريد
وسرار البكلبه اشعنده ماعنده
وراويه المحبه وزود عالمقياس
يضل ثابت يودك وأنته أتوده
_______________________
قلمي،،، ابورسول،،، عمران البدري