قصيدة : رح أوعدك آخر وعد... بقلم الشاعر : تيسير إبراهيم

رح أوعدك آخر وعد
أبقى معاكي عالدهر

أروي شذاكي كالورد
وتبقي فتيه كالزهر
وأهديكي روحي والجسد
ومن عمري لو نقصك عمر
خليكي جنبي بعتمتي
ليلي سواد بلا قمر
ونهاري يضوي بلا شمس
شمسي خدودك.. والصدر
مركع سجودي وقبلتي
صلّْي للقباب الطهر
أسرح بليلي كالنجم
يوماً تهلّْي كالبدر
وأصبر عليكي كالنبي
أيوب شو تحمل صبر
نقعد على شاطي الهوى
الغروب من بعد العصر
نرسم ليالينا سوا
وقلوب ع رمل البحر
نضحك سوا
نفرح سوا
نبكي سوا
نغفى سوا
نصحى سوا
نحياا سوا
وننزل سوا ..
التراب جوات القبر
..........
بقلم ..تيسير إبراهيم