قصيدة : شلون ازعلك يا ملاكي... بقلم الشاعر : أحمد آل صالح الزبيدي

شلون ازعلك يا ملاكي

يا نبض روحي وحياتي
شلون ازعلك
وانت تدري انتي حلمي
الضاع مني بليله سوده
ومن لقيتك ضحكت الدنيا الي
ونفتح باب السعد ابكل حدوده
يا حبيبي
ياشمس تضوي ضلمتي
ياشمع يضوي ضلمتي
ياقصيده الما كملتها
اخاف اخسرك واخسر وياك القوافي الجمعتها
اخاف من ايدي تروح.. مثل الاول
وهم اخسرك .اوف منك لو عدتها
تعني موتي .تعني دمعي مطر ينزل
تعني مخيط شامتي ابقلبي يغزل
انسى كلشي
انسى روحك ...انسى رسمك ...انسى اسمك
انسى اسنين البعد المره جانت ولايهمك

انا يمك انا يمك وقلبي لك مرهون وحدك
ويا سند يحميك اكثر لو قلت هو انا سندك

احمد آل صالح الزبيدي