قصيدة : كداب وباين فى عينيك،... بقلم الشاعر : أسامه جديانه

كداب وباين فى عينيك،
لكن قلبي شاريك
كل مااحاول اهجرك
نبضي يشتاق إليك
انا اتعودت على كدبك
وبحاول اصدقك
ماانت اللي شاغل قلبي
مش قادرة اكدبك
---------------------
رغم الحب اللي بينا
والشوق اللي فى عيونا
ولا شئ يأثر فينا
مهما قالوا عزالنا
-------
الكدب حبيبي حرام
فى الحب وفى الغرام
ازاي تقدر تنام
وقلبك مليان هيام
-----------------
انا وانت مغرمين
انت الشوق والحنين
تبعد وتقول يومين
وتهجرني السنين
------------------
شفت فى عيونك الصراحه
تكدب وعيونك فضاحه
ليه ماتقولش الصراحه
الصدق ياحبيبي راحه
                            (((أسامه جديانه)))