قصيدة : كورونا الضمير.... بقلم الشاعره : أنين الناي عشتار

*** كورونا الضمير ***

كنت صغيرة ..
وكان حلمي كبير ...
شهادة جامعية ..
بيت وسيارة وعريس ...
وأنا من نفسي واثقة ..
رح أحسن التدبير .
رح عيش عيشة ملوك ..
وبرغم كل الخير حكمتي التوفير ..
واعطي للفقير وللمحتاج
وكلنا نصير بنفس المصير ..
وفجأة ..
بغمضة عين وغفلة الضمير
كبرت وصرت صبية
ومالقيت تحتي الا حصير
بيت حيطانه مهرهرة
عريس جايه من الزمهرير
سيارة لعبة
 صنع ايدي عملتها
لولد اجى عالدني
هالشيء ماكان لازم يصير ..
قال القدر ..
ونحنا أطعنا ..
وهيك حكم القدير ..

ياناس لاتحلموا ..
وعيشوا الواقع
حتى لو مرير ..
حياتي اكبر دليل ..
وعبرة لكل انسان
كبير او صغير
ماشفت من الناس الا هوامش بشر
الاخ صار لأخته ضرير
مو شايف الا يلي بيهمه
والباقي أخر همه 
والحكي صار يستعير
خررررررراب يادنيا خراب
كورونا من زمان معششة بالنفوس
وبقلوب وعقول الضعاف
وأخدة منهم كل التفكير ..
ضاع العمر ومابقي الا ..
الحبر وصوت الصرير ..
قلم مبحوح و أنين الناي 
منتظر بصبر يعزف
لحن النفيرررررر

..

... خربشات من واقع الحياة
           عني نفسي أتحدث
                                           بقلمي : أنين الناي عشتار