قصيدة : سامحيني ياحته مني... بقلم الشاعر: د علي ابراهيم عيد

سامحيني ياحته مني
سامحيني غصب عني
حبي ليكي مش بإيدي
انتي فرحي وانتي عيدي
انتي ساكنه جوه مني

سامحيني مش بخاطري
ان حبك يبقي قدري
واني اسهرلك ليلاتي
وتبقي اغلي امنياتي
وتبقي ليل ونهار ف فكري

سامحيني عشان حبيت
حب مش مكتوب عشاني
وعشت احلم واتمنيت
وجريت وري الأماني
وصحيت ع الجراح
وألام معذباني

سامحيني كنت عارف
ان حبك مستحيل
سامحيني كنت عارف
ان دمعي راح يسيل
لكن كان غصب عني
مش بإيدي ولا بخاطري
تبقي شمسي تبقي قمري
تبقي ليلي تبقي سهري
وتبقي اجمل شئ ف عمري
انت اجمل شئ ف عمري
سامحيني # د. علی عید