شعر محكي ****** إنتعش قلبي ******... بقلم الشاعر : ياسين مصطفى بكري

****** إنتعش قلبي ******

إسمِعت صوتها إنتَعَش قَلبي
عَمَ بتِحكي ومعي ما بتحكي
صوتها نَغَم معزوفة عالاوتار
مثل النَحل عالزهر بتهَدي
بعيدة عَني من بَلَد أحرار
وعيونها بالحب عم ترمي
وشُفت الخدود الناعمة ازهار
وجها بَدِر بالسهرة عم تضوي
شو هالحواجب برمة البيكار
وشفافها الهدهد عَم يغَني
والشَعِر خروبي وصُرِت أغار
بلوح عكتافها الشَعِر هندي
لعبت بشَعراتها الزَمَن غَدار
شَعِرها حرير أسود وبني
من الابتسامة تُهت وين الدار
يا ريت رحمة منك تحِني
وأقبلك قُبلة غزل أشعار
ويا شفاف حمرا أطلبي تمني
....تحياتي....ياسين مصطفى بكري..