قصيدة : دندنت قائلة... بقلم الشاعر : سمير مقداد (للروح بقيه)

دندنت قائلة

من ولا شي
كيف خلقت
فيني كل شي
من ولا شي 
كيف وهبتني
احلا شي

نظراتك عملو     
بقلبي دقات
همساتك رسمت
ع شفافي بسمات

اتوردو بالخجل   
خدودي
حسيت للحظة 
بوجودي

وبأجمل فرحة 
ياحياتي
نووَّر وشي

من ولا شي   
من ولاشي

تخليني أحلم 
بتوب أبيض
تلبسني

وبين ضلوعك   
يا حبيب القلب
تحبسني

بأناملك الحنونة   
تضمني تجننني
" لما تلمسني"

نبقى سوا       
طول المدى
الاحضان يكون
عشَّك و عشَّي

تراَقصني متل
النسمة على ضَو
الشمعات
تحملني متل طفلة   
لبعيد ، لفوق 
الغيمات
تقطفلي من السما     
قمر ، كواكب
و نجمات
قلك حبيتك   
ورح حبك
طول الحياة
و للممات

بين الناس           
ايد بأيد
في دروب الهوى 
يا كل العمر
نمشي

من ولا شي   
من ولا شي

سمير مقداد