قصيدة : ورقه وقلم.. بقلم الشاعر : د علي ابراهيم عيد

(ورقه و قلم)
ورقه و قلم
إكتب معاهم قصتك
كام سطر فاضى
و سطر مروى بدمعتك
كام ضحكه حلوه
و كام حكايه ف خطوتك
إكتب بدايتك
هات معاها خاتمتك
إكتب كتير
و بلاش توقف كلمتك
إحكى عن الندل اللى خان
أجمل ليالى ف دنيتك
و احكى عن الحب اللى كان
يرسم بإيده ضحكتك
ماتسيبش دمعك يجرحك
و لا يقصر سكتك
د بكره جاى أكيد بفرح
و راح يرجع بسمتك
و مهما كان مر الحياه
أبدا ما تدبل وردتك # د. علی عید