قصيدة : ياعيد لا تجي... بقلم الشاعر : عبد الحكيم عيسى

(( ياعيد لاتجي ))

ياعيد لاتجي ............ ولاتحسب انك تذكرني بحبابي
أنا المنسيت لحظة ........... ولادمل جرحي بسنين الخلت
ياعيد أنا المجروح ...... تحت الضلع جرحي فلا طابي
الكلب مشلول ياعيد ..... ماينبض مثل الأول
ياعيد أنا الحركت ثيابي 

نيران هم تشتعل
فوك بشعر راسي
ياعيد لاتجي مالك حلا
أنا المفارك اعز ناسي
حتى الورد ياعيد
اشوفه بعيني ذبلان
بلايا عطر

ياعيد لاتجي اترك
بقايا الروح
ياعيد يمي لاتقترب
الك ناسك
ياعيد الذيب من ينجرح
جرحه ابد فلا يبرى
وأنا مثل ذيب مجروح
جرحي ينزف ألم مو دمى

ياعيد الجرح بستار الكلب
شاذكر أنا من جروحي
لمة أهل وجيران أهلنا
الطيبين لو اذكر مضيف
الجان بيه ابويا .........
والبسمة على شفافه مرسومه رسم
وهذا عم وهذا خال وذاك ولد عمي
والخطار ولد خالي وضيوف ابويا
وضحكات مسموعه لسابع جار

واذكر عجوز بقريتنا
كلبها من ذهب حلوة ذيك لمتنا
ياعيد لاتجي ماريد اراسل واطمن عن الحال
المايصافح ويشم ريح المحبين شنهي الرسايل
أنا من بشر ياعيد مرة عليهم انشد ومرة اسايل

وايام طويلة مضت ياعيد
والدمع مافارك جفوني
خلك بعيد ولا تجي
كافي الي بيا

#أحزان_سوري_

بقلمي المتواضع #عبدالحكيم_عيسى

عن واقع الحال اكتب