قصيدة : قرب يا امه خلاص العيد... بقلم الشاعر : د. علي ابراهيم عيد

قرب يا امه خلاص العيد
ولأول مره ما كونش معاكي
الكل ح يلبس يا امه جديد
وانتي حزينه من جواكي
ف عيدك يا امي بلاش الدموع
حاسس يا امي بقلبك الموجوع
بروحي ودمي انا إيدت الشموع
انا فخر ليكي وفوق صدرك وسام
وحشني يا امي علي حجرك انام
نادوها باسمي نادوها قولولها
نادوها قولولها يا ام الشهيد
هي اللي تعبت وسهرت وربت
هي اللي كافحت وصبرت وضحت
هي اللي رضيت وبشهادتي فرحت
علشان مصر امي تتولد من جديد
نادوها باسمي نادوها قولولها
نادوها قولولها يا ام الشهيد
عارف يا امي فراقي صعيب
وحياتي عندك كفايه نحيب
شفيعك انا يوم الحساب
والجنه لصبرك اعلي ثواب
نادوها باسمي نادوها قولولها
نادوها قولولها ياام الشهيد
نادوها قولولها ياام الشهيد # د. على عيد